كان في واحد، يعني أنا، زي كل الناس اللي بتشتغل بالسوشال ميديا. كل يوم، قاعد على اللابتوب، بلعب بالدنيا، بحاول أجدول بوست هون وأعدل بوست هناك. وكل مرة نفس المشكلة: الأدوات الغربية!
تكتب يمين بيطلع شمال. جملة بتكون طالعة perfect بالكومبوزر، تروح تشوفها على المنصة، بتقول: “مين اللي كتب هيك؟ أكيد مش أنا!”
فأنا كنت عم بفكر: ليش كل أدوات إدارة السوشال ميديا مصممة كأنها بس للعالم اللي ما بيعرف عربي؟ يعني إحنا شو؟ تاني درجة؟ بنكتب من اليمين للشمال زي الناس الطبيعية، بس كل الأدوات بتتعامل مع العربي كأنه لغة غريبة ما حد فاهمها.
فبعدين قلت
وهيك بلشت القصة. قعدت أفكر وأخطط: شو لو نعمل أداة تكون مصممة خصيصاً لإلنا؟ أداة تفهم الكتابة بالعربي، تساعدنا نشتغل بطريقة احترافية، وتكون سهلة وبدون وجع راس؟
ومن هون… وُلدت سوشل جّرَبْ.
حلو الحكي
هي أداة عربية 100% لإدارة وسائل التواصل الاجتماعي، بتساعدك تدير كل حساباتك بدون معاناة الأدوات الغربية. ما عندك وقت تضيع على محاولات “نشر بوست مثالي”؟ سوشل جّرَبْ بتوفرلك كل الحلول: جدولة، تحليلات، قوالب، وحتى مساعد AI (آه عنا AI كمان!).
طيب ليش
لأنه بصراحة، تعبنا من إنه كل شي لازم يكون معقد وصعب. تعبنا من إنه كل الأدوات مصممة للغات التانية وكأن العربي مش موجود. فعملنا سوشل جّرَبْ عشان نغير اللعبة ونخليها بسيطة وسهلة لكل حدا في منطقتنا.
عشان لازم اكثر
الفكرة مش بس أداة وحدة. سوشل جّرَبْ هي البداية لشي أكبر. بنحلم نخلق سلسلة من الأدوات اللي بتخدم منطقتنا وتكون مصممة خصيصاً لإلنا كعرب، عشان نشتغل بكفاءة وننافس العالم.
إحنا هون عشان نثبت إنه المنطقة العربية تستحق أدواتها الخاصة. أدوات تفهم لغتنا، ثقافتنا، واحتياجاتنا. سوشل جّرَبْ هي الخطوة الأولى… والقادم أفضل.