الميزات
يا هلا! دخلت صفحت الميزات يعني مقتنع بس بدك شوي أكثر معلومات
شوف، مافي مشكلة شوف معلومات بس على شرط، اذا بتنرل وبتوصل الى آخر الصفحة، يعني لازم تشترك.
اذا موافق، يلا انزل. اذا لا، اطلع بره.
التقويم
هون بتقدر تشوف كل جدولك الأسبوعي والشهري بمنتهى السهولة.
إصدارات المنشورات
بتساعدك تعمل أكثر من إصدار لنفس المنشور عشان كل منصة اجتماعية إلها الفورمات الخاص فيها.
أول تعليق/سلسلة تعليقات
ميزة بسيطة بتخليك تضيف تعليق على المنشور أول ما ينزل، إذا بدك تضيف معلومات إضافية أو أي شيء ثاني
شروط النشر
تقدر تحدد شروط معينة لتنفيذها قبل نشر أي منشور حسب ما بدك.
قوالب المنشورات
صمّم قالب منشور مرة وحدة وارجع استخدمه كل مرة تحتاج بسرعة، مثل تحديثات منتظمة لموضوع معين
جدول الانتظار
بنظم وقت النشر حسب المنطقة الزمنية تعتك، بحيث تنزل المنشورات بشكل طبيعي ومجدول.
مجموعات الوسوم
اعمل مجموعات مرتبة لكل الوسوم تعتك لتستخدمها بسهولة بضغطة زر.
أفضل وقت للنشر
عشان تعرف على أفضل الأوقات للنشر بناء على بلد جمهورك ومستوى التفاعل.
المتغيرات
رتّب أمورك وحدد تصنيف كل منشور، خصوصاً إذا كنت بتتكلم عن مواضيع كثيرة أو تركز على ثيمات أسبوعية.
مكتبة الوسائط
مكان لتخزين صورك وفيديوهاتك. وصحيح، عنا ربط TENOR للـ GIFs الرائجة وUnsplash للصور الجاهزة.
تعدد اللغات
عشان اذا بدك تنشر منشورات باللغتين العربي والإنجليزي عشان ما ننسى "أي دونت سبيك أرابك".
المساعد الذكي
اه، عنا ربط مع الذكاء صناعي ChatGPT عشان يساعدك تكتب محتوى اذا مش عارف شو تكتب.
نشاط المنشورات
بعرضلك تاريخ كل منشور، التفاعل عليه، وأعضاء فريقك اللي اشتغلوا عليه، لتعرف كل التفاصيل بكل الشفافية.
مساحات العمل
مهمة كثير لتنظم شغلك إذا كنت تدير أكثر من علامة تجارية، بتساعدك تبقى منظم 100%.
سير الموافقات
عشان المدير أو المسؤول يقدر يعطي موافقته على كل منشور قبل نشره، وهيك مابكون في مجال للوم أو أخطاء.
خلصنا وانت وافقت!
وهاي كل الميزات يلي عنا حاليا. طبعا، في جاي عالطريق تطوير اكثر.
يلا انت وعدت ومشيت بالشرط.
- بدون بطاقة بنك
- براند واحد مجاني مدى الحياة
- واذا ما عجبك سكر حسابك بدون التزام
